Прво, што е лупење на производите?
Лупењето е нешто што може да се случи со производите за нега на кожа. Слично е како појавата на топчиња на твојот омилен џемпер, најчесто на места на кои има многу триење, како на пазувите. Лупењето на производите се случува кога производите ќе се залепат едни на други, наместо да се впијат во кожата. Резултатот? Сиви остатоци, како од гума за бришење, кога нанесуваш хидратантен крем или шминка, што е непријатно кога доцниш некаде, а мораш да ја почнеш целата рутина од почеток.
Што го предизвикува лупењето на производите?
Иако е најверојатно поради комбинација од фактори, едни од најчестите причини за лупење на производите се:
Користење преголемо количество од производот
Мало количество производ може да има голем ефект. Доколку користиш премногу хидратантен крем или крем што е претежок за твојот тип кожа, тој потешко ќе се впие во твојата кожа и вишокот производ ќе почне да се лупи.
Што да направиш? Одговорот е лесен, нанесувај помалку или користи полесен производ на лицето, за побрзо впивање!
Се брзаш
Лупењето на производот често се случува кога немаш време. Причина? Не му даваш доволно време на првиот производ да се впие, пред да го нанесеш следниот. Кога брзо го нанесуваш вториот производ, тогаш доаѓа до триење, што резултира со лупење.
Што да направиш? Не брзај. Дај му време на производот да се впие, пред да го нанесеш следниот слој. Ова време може да стане дел од твојата рутина, на пример да ги миеш забите по нанесувањето хидратантен крем или да ја обликуваш косата по нанесувањето течна пудра.
Не правиш пилинг доволно често
Нанесувањето производи за нега на кожа и шминка врз повеќе слоеви мртви клетки е совршениот рецепт за лупење, бидејќи мртвите клетки не можат да ги впијат производите доволно добро како кожата по пилинг.
Што да направиш? Редовниот пилинг нека стане дел од твојата секојдневна рутина за нега на кожа, за да ја поттикнеш и подобриш обновата на клетките. Пилингот е особено важен за време на студените зимски месеци, кога кожата има вишок мртви клетки што се лупат. Пилингот за лице NovAge нежно ги отстранува мртвите клетки, за блескава кожа што не се лупи.
Понекогаш тоа што најмногу ти се допаѓа кај еден производ може да предизвика несакани ефекти. На пример, производите на база на силикон, кои често се содржат во течните пудри и подлогите за шминка, се користат за создавање слој за спречување на загубата на хидратација, додека истовремено го измазнуваат тенот. За жал, ова исто така значи дека нанесувањето течна пудра на база на силикон врз хидратантен крем што содржи силикон може да предизвика несакани ефекти, како лупење.
Што да направиш? Избегнувај нанесување производи на база на силикон едни врз други и намали го бројот на силиконски производи што ги користиш во својата рутина. Доколку користиш течна пудра на база на силикон, избегнувај хидратантен крем на база на силикон.
Нанесување производи по погрешен редослед
Важно е да ги знаеш и состојките и редоследот на нанесување на производите во твојата рутина. Производите на база на вода се први, бидејќи тие побрзо се впиваат во кожата, додека производите на база на масло ја зачувуваат хидратацијата и треба да се нанесуваат последни. Нанесувањето производи на база на масло пред другите производи ќе го спречи впивањето на другите производи и ќе предизвика производите на база на вода да почнат да се лупат.
Се надеваме дека овие практични совети ќе ти помогнат да го спречиш лупењето на производите!
