Вежбите со тежина се еден од најдобрите начини да ја одржиш силата на коските. Пробај ги овие 5 лесни вежби за кои не ти е потребна фитнес-сала. Нежни или фантастични коски? Иднината е во твоите раце!
1. Скокање јаже
Скокањето јаже е одличен начин да нанесеш тежина врз коските и да го забрзаш ритамот на срцето.
Скокањето може лесно да се прилагоди на твоето ниво на фитнес. Спорото скокање јаже е одлично и е добро за загревање.
Дали си подготвен за повеќе? Пробај брзо скокање или „двојно скокање“, за време на кое јажете треба двапати да помине под стапалата пред да ја допреш земјата. Ти ветуваме дека брзо ќе те измори!
2. Скокање
Во споредба со трчање или со кардио-вежбите, скокањето е една од најдобрите активности за градење на минералната густина на коските.
Почни со мали скокови. Кога ќе бидеш подготвен, премини на поголеми скокови. Замавнувај со рацете додека скокаш, за да земеш поголем залет.
Докажано е дека скокањето, дури и само 20 минути дневно има позитивни ефекти. Направи 10 сесии дневно и одмори се кога ти е потребно.
3. Качување кутија
Качувањето кутија не ги заморува многу зглобовите и ја подобрува рамнотежата. Во споредба со пешачењето, тоа ги вежба мускулите и зглобовите на различен и покорисен начин.
Застани пред ниска кутија, скала или некоја друга подигната површина, со нозете на растојание еднакво на рамениците.
Стави го едното стапало на кутијата. Пристисни со петицата и качи го и другото стапало. Споро врати го едното стапало на земјата, а потоа и другото.
Повтори 10 пати на секоја страна.
Сакаш поактивна вежба? Користи повисока површина.
4. Стоење на една нога
Со користење на твојата тежина, стоењето на една нога го зацврстува цетарот на твоето тело и други мускули.
Застани со нозете на растојание еднакво на рамениците.
Споро свиткај го едното колено и бавно дигни ја ногата на неколку сентиметри од подот. Држи ја ногата дигната 10 секунди, пред да го вратиш стапалото на земја.
Повтори 10 пати за секоја нога.
Дали си подготвен за предизвик? Дигни ја ногата повисоко, за бутната коска да биде во паралелна линија со подот.
5. Чучнувања
Чучнувањата го активираат целото тело. Го зацврстуваат средишниот и горниот дел на телото и ја зголемуваат еластичноста на зглобовите. Твоите колкови, колена и долен дел од грбот, исто така, се активираат!
Застани со нозете на растојание малку поголемо од рамениците.
Наведни се од колковите (не виткај го грбот) и спушти се во удобна позиција. Колената не треба да поминуваат подалеку од прстите на нозете.
Притисни ги петиците во подот, за а се вратиш во почетната позиција. Повтори 10 пати.
Дали е прелесно? Успори го темпото или наведни се повеќе.
