8 начини за поефикасно вежбање

Можеби вежбаш редовно секој ден, а можеби неколкупати во неделата. Како и да е, никој не сака да потроши цела вечност во фитнес-сала, туку да ја искористи максимално напорната работа. Прочитај како да постигнеш најдобри резултати.

1. ПОСВЕТИ СЕ
Не е лесно
да се помине линијата помеѓу желбата да се биде во форма и преземањето нешто околу тоа. Посветеноста и соодветната рутина се клучни за градење фитнес-основа. Биди искрен со себеси, дали навистина даваш сѐ од себе и која е твојата вистинска цел? 

2. ПЛАНИРАЈ, ПЛАНИРАЈ, ПЛАНИРАЈ
Посетата
на фитнес-сала може да биде залудна ако не знаеш што ќе правиш, па затоа, наместо да талкаш од една справа до друга, испланирај ги вежбите секоја недела и постави си цели.

3. ДРЖИ СЕ ДО ПЛАНОТ
Иако сме посветени и планираме соодветно, во животот понекогаш се случува нешто да ни ја попречи планираната рутина. Не грижи се, тоа може да се реши! Еден чекор е подобар од ниту еден, затоа не откажувај се, одреди приоритети и следи ги секојдневните задачи за да одредиш кога да вежбаш. Запомни, не постои „вистинско“ време за вежбање.

4. ПОБАРАЈ ПОМОШ
Не е чудно
да сакаш да постигнеш повеќе уште од почетокот, но немој да се споредуваш себеси со најдобрите и најсилните во салата за фитнес. Наместо тоа, направи соодветна процена, прашај го тренерот за совет, а можеш и да вложиш повеќе и да најмиш личен тренер неколкупати. Тој ќе ти помогне да постигнеш повеќе и ти ќе знаеш што да правиш уште од почетокот.

5. МУЛТИТАСКИНГ
Прави
вежби што ќе ти овозможат повеќе со помалку! Наместо да вежбаш само едни мускули, прави вежби што активираат повеќе мускулни групи одеднаш. Така ќе постигнеш мускулите да работат заедно како и во секојдневниот живот. 

6. ДОДАЈ НЕШТО НОВО
Одлично е чувството кога конечно ќе научиш како се прави некоја вежба, но колку повеќе се предизвикуваш, толку подобро. Твоето тело со текот на времето ќе се навикне на нивото на стрес и нема да вежбаш ефикасно. За кардио, вежбај крос наместо да трчаш и зголемувај ја тежината на неколку недели. 

7. ОДМОРИ СЕ
Јасно е дека
треба редовно да вежбаме, но претерувањето може да биде штетно за телото и за имунитетот, што ќе ги одложи резултатите. Фокусирај се на умереност и запомни дека најдобрите резултати настануваат од работа и од закрепнување. Истегнувањето, пливањето и јогата се одличен начин да вежбаш. И не потценувај ја моќта на сонот!

8. НЕ РАЗОЧАРУВАЈ СЕ
На
крајот, не разочарувај се од себе. Сите имаме лоши и напорни денови и сите сакаме да постигнеме совршенство. Не брзај и не преоптоварувај се. Не заборавај дека здравјето значи социјална, емоционална и физичка добросостојба, а не само идеално тело. Биди ти!

Текст: