Женшенот често се нарекува кралот на билките, благодарение на својата репутација како растение што ги лекува сите проблеми. Неговиот корен, со чуден изглед во облик на виљушка, веќе илјадници години се користи во традиционалната кинеска медицина и е познат како стимуланс за телото и за умот. Денес женшенот сѐ уште е еден од најкористените природни лекови во светот и често се користи во вид на чај или на додаток во исхараната. Во козметиката, женшенот е познат по тоа што го зголемува колагенот и ѝ дава енергија на кожата, со што ја прави да изгледа потонирано и сјајно.