ТОЧНА ДИЈАГНОЗА
Најпрво одговорете: дали имате мрсна кожа? Мрсната кожа настанува како резултат на хормоналните промени во телото и затоа понекогаш се контролира тешко. Андрогенот, хормонот кој го поттикнува производството на маснотија, може понекогаш да претера, со што доаѓа до мрсен тен и запушени пори. Ако кожата е мрсна во средината на денот, тешко се нанесува шминка или има видливо зголемени пори, црнки и акни на Т-зоната, тогаш најверојатно е мрсна.
ЧИСТЕЊЕ СПОРЕД ТИПОТ НА КОЖА
Ако имате мрсна кожа, најверојатно сакате кога кожата е многу чиста и свежа, но ова суво чувство не ви годи многу. Кога мрсната кожа е сува всушност го поттикнува производството на повеќе маснотии, со што повеќе го продлабочува проблемот. Одберете нежен гел за чистење или лосион за миење лице кој не суши и не остава траги.
КОРИСТЕТЕ ТОНЕР
Тонерот помага во балансирањето на природното ниво на pH на кожата, го намалува појавувањето на пори и воспаленија - чести проблеми за луѓето со мрсна кожа. Исто така е одличен начин за отстранување на шминка која ако не се отстрани може да создаде проблеми - не прескокнувајте!
КОРИСТЕТЕ ДОБРА МАСКА
Маската од глина е задолжителна за оние со мрсна кожа. Таа ги впива трагите од нечистотија, ги одзатнува порите - исто така помага и во намалувањето на производството на маснотии.
НЕ ШТЕДЕТЕ НА НАВЛАЖНУВАЧ
Не паѓајте во искушение да ја сушите кожата. Всушност, мрсната кожа има голема потреба од навлажнувач за да биде здрава - и не ѝ требаат состојки кои ја запушуваат. Побарајте лесен навлажнувач, без маснотии, во форма на течност или гел за да хидрирате и негувате, а за најдобри резултати користете серум.
ИМАЈТЕ ПОПИВНА ХАРТИЈА ВО ТОРБА
Во попладневните часови, вашата кожа природно произведува повеќе маснотии - кошмар за оние со мрсна кожа. Потапкајте хартија која впива маснотии на Т-зоната за да ги соберете маснотиите и да изгледате подобро.
ЕКСФОЛИРАЈТЕ ПРАВИЛНО
Нешто што не треба да го прескокнете е ексфолирањето, кое ќе ги отстрани мртвите кожни клетки кои се собираат на површината од кожата и кои можат да предизвикаат црвенила. Наместо да користите крпче или нешто за чистење, користете киселински ексфолијант кој нема да поттикне поголемо производство на маснотии. Пробајте бета-хидрокси киселина како салицилната киселина која ќе ја ексфолира површината на кожата и ќе делува длабоко во порите.
КОРИСТЕТЕ ЗАШТИТЕН ФАКТОР
Ако страдате од светкава кожа и нанесувањето на тешка заштитна крема ви е мачно - не грижете се. Постојат многу лесни, немрсни формули. Или, одберете дневна крема со вграден заштитен фактор за помалку проблеми и поголема заштита.
