5 знаци за дехидрирана кожа и како да го решиш овој проблем!

Дали имаш чувство дека без разлика што и да пробаш, твојата кожа и понатаму е дехидрирана? Дехидрираната кожа може да биде предизвикана од загаден воздух, лоша исхрана и силни детергенти, но постои решение. Откриј ги петте знаци за дехидрирана кожа и како да го решиш овој проблем!

1. Кожа без сјај
Дали твојата кожа е без сјај и со сивкаст тен кога ќе се разбудиш? Кога кожата е дехидрирана, функцијата што ѝ помага на кожата да се ослободи од горниот слој мртви клетки е оштетена. Тоа значи дека на твојата кожа има слој од мртви клетки, кој може да ѝ даде сивкаст тен.

2. Кожата изгледа мрсно, но имаш чувство дека е сува
Дехидрираната кожа нееднакво ја задржува водата. Кога твојата кожа губи вода, таа произведува повеќе масло за да го врати потребниот баланс и се обидува да создаде слој што ќе го спречи губењето вода. Тоа значи дека може да имаш делови сува кожа со слој маснотии врз нив.

3. Чувствителна
Горниот слој на дехидрираната кожа не функционира исправно и потешко се штити од бактерии, загаден воздух и други негативни ефекти. Тоа може да ја направи твојата кожа почувствителна на сè, па дури и на производите што ги користиш долго време!

4. Набори и брчки
Ако еден ден се погледнеш во огледало и забележиш нови брчки, тоа можеби не е знак на стареење, туку знак на дехидрирана кожа! Исто како сувото овошје, кога кожата губи вода, таа се збрчкува и ги губи еластичноста и младешкиот изглед.

5. Кожа што чеша или се лупи
Климата и многу топлото или студено време може да ја исушат твојата кожа и да предизвикаат чешање или лупење

Како да се справиш со дехидрираната кожа

Најдобар лек за жедната кожа е хидратацијата. Користи хидратантни производи што ќе ти помогнат тебе и на твојата кожа да се чувствувате подобро.

1. Нежен гел за чистење лице
Користи нежен хидратантен гел за чистење лице, без алкохол. Не ја миј кожата премногу често, бидејќи изложувањето на кожата на топла вода или груби производи неколкупати дневно може дополнително да ја дехидрира кожата.

2. Хидрирачка маска
Зголеми ја хидратацијата на твојата кожа и врати ѝ го сјајот со хидрирачка маска! Хидрирачките маски можат да ги обноват маслата, хидратантните состојки и мастите во горниот слој на кожата. Овие маски ја хидрираат кожата и создаваат заштитен слој што го спречува нејзиното дехидрирање.

3. Хијалуронска киселина
Користи хидратантен производ со хијалуронска киселина. Хијалуронската киселина е одлична за кожата, бидејќи ја одржува хидратацијата на кожата и ја прави мека и затегната на допир.

Погледни го нашиот избор на производи долу!

Текст: Фотографии: Орифлеим

Порачај ги производите од овој текст

Поврзани написи