Како да ја негуваш сувата кожа

Познавањето на твојот тип кожа и на тоа како ја негуваш е првиот чекор за помека, помазна и поздрава кожа. Постојано се соочуваме со прашања поврзани со типот на кожата и затоа одбравме неколку најчести.

ПОГОЛЕМИОТ ДЕЛ ОД МОЈАТА КОЖА ИЗГЛЕДА ДОБРО, НО ОКОЛУ БРАДАТА, НОСОТ И ЧЕЛОТО Е МРСНА. ШТО ДА КОРИСТАМ?
Ова е типичен пример за комбинирана кожа! Најчесто таа е нормална, со некои суви или мрсни делови. Ако твојата кожа е најчесто нормална со мрсна Т-зона, имаш среќа. Ти треба да користиш производи што се создадени за хидрирање и за баланс на нормална/комбинирана кожа.

ПОГОЛЕМИОТ ДЕЛ ОД МОЈАТА КОЖА ИЗГЛЕДА ДОБРО, НО ОКОЛУ БРАДАТА, НОСОТ И ЧЕЛОТО Е МРСНА. ШТО ДА КОРИСТАМ?
Ова е типичен пример за комбинирана кожа! Најчесто таа е нормална, со некои суви или мрсни делови. Ако твојата кожа е најчесто нормална со мрсна Т-зона, имаш среќа. Ти треба да користиш производи што се создадени за хидрирање и за баланс на нормална/комбинирана кожа.

ИМАМ МРСНА КОЖА, КОЛКУ И ДА ЈА ЧИСТАМ ТАА ОСТАНУВА МРСНА. ШТО ДА ПРАВАМ?
Можеби
звучи чудно, но проблемот е што ја чистиш кожата прекумерно. Ова е чест проблем со мрсната кожа и, за среќа, не е тешко да се реши. Здравата кожа има потреба од мрснотија и затоа кога се обидуваш да ја отстраниш природната мрснотија, нормална реакција на твојата кожа е да произведе уште повеќе. Пробај режим што е специјално создаден за мрсна кожа и чисти внимателно. Чистењето со производ наменет за мрсна кожа ќе ти помогне да ја отстраниш мрснотијата и да ѝ го вратиш балансот на кожата.

ИМАМ СУВА КОЖА ВО ТЕКОТ НА ГОДИНАТА, НО СИТУАЦИЈАТА СЕ ВЛОШУВА КОГА Е МНОГУ ЛАДНО. КАКО ДА ГО РЕШАМ ПРОБЛЕМОТ?
Ако
користиш погрешно хидратантно средство за типот на кожата, нанесувањето повеќе слоја нема да има ефект. Всушност, може да ја влоши состојбата и да ја задуши кожата. Прво правило е да пронајдеш хидратантен производ што ја разубавува сувата кожа. Второ правило е дека помалку е повеќе кога станува збор за хидратантен крем - едно мало нанесување е доволно. Ти препорачуваме да користиш и серум, бидејќи тоа го зајакнува ефектот.

НЕ КОРИСТАМ ХИДРАТАНТНО СРЕДСТВО БИДЕЈЌИ ИМАМ МРСНА КОЖА И НЕ САКАМ ДА ЈА ВЛОШАМ СОСТОЈБАТА. МОЈОТ ПРИЈАТЕЛ МИ ВЕЛИ СЕПАК ДА КОРИСТАМ. ДАЛИ Е ВО ПРАВО? 
Во право е! Твојата кожа има потреба од баланс помеѓу мрснотијата и водата за да биде здрава и иако можеби не се изгледа така, мрсната кожа може исто така да биде дехидрирана. Без правилна хидратација, кожата произведува уште повеќе мрснотија - што не е добро! Затоа е потребно да ги одбереш вистинските производи. Хидратантните средства за мрсна кожа ќе ти ја овозможат потребната хидратација без да го влошат проблемот со мрснотијата.

Текст: Фотографии: Гети