Сите сме ја искусиле мозочната магла, желбата за шеќер што доаѓаат со лош сон во текот на ноќта, и посакавме да ги исклучиме светлата на време за да ги добиеме нашите 8 часа. Повеќето луѓе веднаш чувствуваат недостаток на сон, но зошто се чувствуваме толку страшно?
Спиењето влијае на сè!
За време на спиењето, нашите тела се регенерираат. Ако не спиеме доволно, нашето тело нема да добие доволно време да се опорави. Недостатокот на сон е поврзан со нарушен имунитет, зголемена болка, нарушено здравје на цревата, желба за храна и пониска продуктивност, како и со многу болести како дебелина, дијабетес и срцеви заболувања. Студијата исто така покажа дека лишувањето од сон ја нарушува нашата меморија, визуелната перцепција и реакциите на светот околу нас. Не е ни чудо што се чувствуваме малку изнемоштени и непродуктивни по премалку сон!
Недостатокот на сон го влошува стресот
Нормално е да се чувствуваме под стрес по лош сон затоа што не се чувствуваме како најдоброто од себе, но спиењето всушност влијае на нашата способност да се справиме со стресот. Всушност, луѓето кои се лишени од сон реагираат на ниски стресови на ист начин како што луѓето без лишување од сон реагираат на високи стресови. Значи, ако некогаш сте се нашле како се расправате со вашето семејство без причина по лош сон, сега знаете зошто!
Уморот ве прави гладни!
Aко се борите со се што имате за да се придржувате до здрава исхрана, но не успевате, погледнете ги вашите навики за спиење, можеби виновен е грелинот! Грелинот е хормон кој го поттикнува апетитот, а лептинот е хормон кој го намалува. Кога не спиеме, нивотo нa грелин се зголемува и нивото на лептин се намалува, што значи дека ќе се чувствувате погладни и ќе бидете повеќе склони кон прејадување.
Како да спиеме подобро?
Сега кога знаеме дека спиењето влијае на сè, од продуктивност до нивоа на стрес и апетит, можеби навистина вреди да се трудите да го исклучите Netflix и да си легнете рано? Мислиме дека е така. Но, самото исклучување на Netflix навреме не обезбедува подмладување на сон. Значи, што друго можеме да направиме?
- Слабо осветлување
Нашите тела се приспособени да работат со циклусот на сончева светлина и темнина, што значи дека нашите тела испраќаат сигнали за да нè направат поспани кога е темно и да се чувствуваме будни кога грее сонцето. Ако имаме вклучени силни светла навечер, нашите тела нема да испраќаат сигнали што не прават уморни. Затоа, намалете ги светлата и избегнувајте да гледате во телефонот.
- Легнувајте си секоја вечер во исто време
Кога создаваме рутина пред спиење (нашето тело ја сака рутината!), тоа го регулира нашиот деноноќен ритам и му помага на нашето тело да разбере кога е време за спиење.
- Изладена спална соба
Отворањето прозорецот навечер за да влегува свеж, ладен воздух може да ни помогне да заспиеме побрзо и да имаме подобар квалитет на спиење. Идеално, температурата треба да биде помеѓу 18-24°C.
- Смирувачка музика или медитации
Ако вашиот ум е брз и едноставно не можете да го исклучите, обидете се да медитирате или да слушате некоја смирувачка музика додека се обидувате да заспиете, тоа обично помага!
Лесно! Ако ви требаат повеќе совети како да спиете подобро, кликнете овде, а ако се чувствувате фенси, почестете се со 5 производи кои ве разубавуваат додека спиете.
