Започни со зеленчукот
Клучот за свеж и здрав пикник е да планирате околу зеленчукот! Исто како и со другите избалансирани оброци, кога започнувате со зеленчук, тие стануваат главно јадење, а не прилог.
При избор на вашиот зеленчук за излети:
• По можност, земете тврд зеленчук - тие обично имаат повеќе растителни влакна и полесно се носат, бидејќи е потешко да се згмечат и оштетат
• Исечете ги во форми што се јадат лесно и не бараат прибор
• Изберете зеленчук што има одличен вкус кога ќе го потопите во хумус!
Тоа може да бидат, на пример, моркови, краставици, карфиол, брокула, пиперки и шери домати. Сите се сечат на стапчиња или парчиња со големина на залак.
БРЗ ХУМУС СО ПРОТЕИНСКА МЕШАВИНА
200гр. наут од конзерва
2 лажици сок од лимон
2 чешниња лук, смачкани
1 лажиче мелен ким
Малку сол
1 лажица паста од семе од сусам
1 лажица Протеинска мешавина
5 лажици вода
2 лажици маслиново масло, ладно цеденоil
Измешајте сè заедно.
Второ, овошје!
Салата од лубеница и диња претставува вистински вкус на летото и е одличен оброк за тоа време од годината, бидејќи е хидрирачка и ја гасне жедта.
Еве еден предлог за дегустација. Запомнете да носите чепкалки за заби за лесно јадење!
ЛЕТНА ОВОШНА САЛАТА
1/2 лубеница, издлабена во форма на топчиња
1 диња, издлабена во форма на топчиња
1 жолта диња, издлабена во форма на топчиња
200гр. зелено грозје (извадено од стеблото)
лисја од нане, само за вкус
Повеќето овошја се одлични за излети. Само проверете претходно да ги измиете, излупите и исечете на парчиња со соодветна големина.
Размисли повторно за скара
Ако планирате да имате скара на вашиот пикник, обидете се и истражете го растителното “кралство” наместо да посегнете директно pо месото и колбасите. Зеленчукот како што се печурките, црвени пиперки, тиквички и кромид се навистина вкусни кога се печени на скара. Само фрлете ги на огнот со малку маслиново масло, оцет и малку сол и бибер и ќе имате одлична закуска, здраво главно јадење или прилог.
Ако сакате да имате нешто малку „месно“, може да поегнете по „лесно“ месо како пилешко и риба. Или, зошто да не го пробате новото омилено светско сирење, халууми - одлично е на скара и одлично функционира како состојка за веге бургер.
Додади цели зрна
Лебовите, лепчињата и тестенините можат да додадат многу калории, но тие не содржат многу хранливи материи. Затоа, обидете се да ја ограничите количината на скроб во вашата корпа за пикник, и каде и да можете, да ги направите интегрални.
Обидете се и разменете го лебчето за хамбургер со верзија со цели зрна, и тестенините со интегрални тестенини. Или зошто да не пробате нешто сосема ново и да направите салата со подлога од кафеав ориз, киноа или кускус од цели зрна!
Здрави напитоци
Пијалаците за летни пикници обично не се најхранливи: газирани сокови и лимонади со шеќер за деца и пива и вина за возрасни. Но, дали знаевте дека тие пијалоци се многу калорични и полни со шеќер? Понекогаш, количината на калории што доаѓаат од пијалоците може да додаде до една третина од вкупниот внес на калории за време на оброкот! Но, тоа не придонесува ништо за вашата ситост.
Исто така е прилично лесно да се дехидрирате ако поминете време на сонце. Децата се најмногу подложни, бидејќи тие обично трчаат околу играње и не пијат доволно вода.Мешањето на свежи бобинки и цитрусни овошја со ладна вода е здрав, лесен и вкусен начин за добивање на потребната хидратација.
Благи слатки
Ниту еден пикник не е комплетен без десерт! И, кој може да им одолее на ваквите летни деликатеси како јагоди, малини и праски? Но, ако обично имате колачиња, брауни или мафини, можеби ќе сакате нешто малку поразлично. Обидете се да ги направите овие вкусни палачинки од банана, тие може да се подготват однапред и само да се сервираат со свежи бобинки и можеби малку мед.
БАНАНА ПАЛАЧИНКИ (8 ПАРЧИЊА)
2банани
2јајца
100мл. овесна каша
1 лажица псилиум
1лажица ванила арома во прав
Измешајте сè заедно. Направете палачинки со мала количина кокосово масло.
Бидете активни
Нашиот последен совет за здрав пикник е да вклучите некоја активност. Уживајте во свеж воздух, прошетајте, играјте фудбал или забавна игра со сите ваши пријатели. Затоа што ништо не носи апетит како малку вежбање!
